თბილისის ელექტრომიმწოდებელმა კომპანიამ მომხმარებლებს ელექტროენერგიის დარიცხული საფასური დაუკორექტირა. აღნიშნულზე ინფორმაციას კომპანია ავრცელებს.

მათივე ცნობით, შეცვლილი თანხა სააბონენტო ბარათზე უკვე აისახა და გადასახადის გადახდისას ჩანს.

თელმიკოს ცნობით, შესწორებული მონაცემები, ასევე, აისახება მომდევნო თვის ქვითარში და კორექციის ველში გამოჩნდება, დაკორექტირებული თანხა კი ქვითარში მინუსში იქნება ასახული, რაც ნიშნავს იმას, რომ თანხა ირიცხება მომხმარებლის ანგარიშზე.

ენერგეტიკისა და წყალმომარაგების მარეგულირებელმა კომისიამ შპს თბილისის ელექტრომიმწოდებელ კომპანიასა(თელმიკო) და სს თელასს მომხმარებლებზე ზედმეტობით დარიცხული თანხების დაკორექტირება და გადაანგარიშების შედეგად მომხმარებლების მიერ ზედმეტად გადახდილი თანხის ასახვა დაავალა მათ სააბონენტო ბარათებზე.