ზელენსკიმ რუსეთს მოუწოდა, ხელი მოაწეროს ყირიმის პლატფრომის დეკლარაციას, რომელიც რუსულ ანექსიას გმობს
![](http://phoebe.on.ge/2021/08/23/f89220c2b3df3c3d6a70535d0813286a_1629722673_extra_large_6123d5d614060.jpeg)
ფოტო: UNIAN
უკრაინის პრეზიდენტმა, ვოლოდიმირ ზელენსკიმ განაცხადა, რომ ყირიმის პლატფორმა შედგა იმის მიუხედავად, რომ მესამე მხარე [რუსეთი] ყველანაირად ცდილობდა ხელის შეშლას. მანვე აღნიშნა ისიც, რომ რუსეთი არ არის პლატფორმის მონაწილე, მაგრამ იმდენად არის დაინტერესებული მისი მუშაობით, რომ შეუძლია გაწევრიანდეს და ხელი მოაწეროს.
"რუსეთის ფედერაცია არ მონაწილეობდა ჩვენს სამიტში, მაგრამ ისე აქტიურად განიხილავდა და რეაგირებდა.. ერთი სიტყვით რომ ვთქვათ, იმდენად აქტიური იყო, რომ იქმნებოდა შთაბეჭდილება, თითქოს ამ პლატფორმის სრულფასოვანი მონაწილეა. თუ ეს პლატფორმა ამდენად აინტერესებთ, ვიწვევთ, შემოგვიერთდნენ", — განაცხადა მან.
კიევში გაიმართა ყირიმის პლატფორმის პირველი საერთაშორისო კონფერენცია, რომელშიც 46 სხვადასხვა ქვეყნის დელეგაციამ მიიღო მონაწილეობა. პლატფორმის მონაწილეებმა დეკლარაცია მიიღეს, რომელშიც რუსეთის აგრესიული პოლიტიკაა გაკრიტიკებული და მიზნად ისახავს ზეწოლას ყირიმის ნახევარკუნძულის ოკუპაციის შესაწყვეტად. ხელმომწერებს შორისაა საქართველოც.
დეკლარაციაში ხაზგასმულია, რომ საერთაშორისო თანამეგობრობა ყირიმის ანექსიას უკანონოდ ცნობს და იღებს ვალდებულებას გააერთიანოს ძალისხმევა რეგიონში სტაბილურობისა და უსაფრთხოების გაძლიერებისთვის.
როგორც ყოველთვის, ამჯერადაც კრემლმა მათ მიმართ კრიტიკულად განწყობილ ერთობას ანტირუსული და არამეგობრული უწოდა. რუსეთის პრეზიდენტის პრესსპიკერის, დმიტრი პესკოვის განცხადებით, მათთვის კატეგორიულად მიუღებელია იმის მტკიცება, რომ ყირიმი უკრაინაა.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები