საქართველოში მყოფი უცხო ქვეყნის მოქალაქის თქმით, მასზე სექსუალურად იძალადეს. ამის შესახებ ინფორმაცია ტურისტის მეგობარმა გააჟღერა, რომელიც ამბობს, რომ ქალის განცხადებით, მას სასმელში, სავარაუდოდ, რაღაც ჩაუყარეს.

"დაახლოებით, 3-ის ნახევარზე დამირეკა, დახმარება მჭირდებაო და მომწერა მისამართი, სად იყო. რომ მივედი მომიყვა ყველაფრის შესახებ, რომ სექსუალურად იძალადეს მასზე, რაღაც ჩამიყარაო და შემდეგ იძალადაო. ჯერ მივიყვანე საავადმყოფოში და მითხრეს, რომ სანამ 112-ში არ დარეკავთ, მანამდე ჩვენ ვერაფერს ვიზამთო. შემდეგ დავრეკე 112-ში და მოვიდა საპატრულო პოლიცია და სასწრაფო. ექსპერტიზა არ ჩაუტარეს, რადგან შაბათ-კვირაა, მოცდა მოგიწევთ ორშაბათამდეო", — აცხადებს ტურისტის მეგობარი.

შინაგან საქმეთა სამინისტრო ინფორმაციით, საქმეზე დაწყებულია გამოძიება.