კომპანია ბილაინის ხელშეწყობით, მსოფლიო მობილურ კონგრესზე პირველად წარდგნენ ქართული სტარტაპები თავიანთი ინოვაციური პროექტებით.

Eurasia Mobile Challenge-ის გამარჯვებული სტარტაპი ტრიპექსი 2500-ზე მეტ მონაწილეს შორის ტოპ ხუთეულში მოხვდა. ტრიპექსი ვებ და მობილური აპლიკაციაა, რომელიც კომპანიებს მწვანე მარკეტინგულ ინსტრუმენტს სთავაზობს. თითოეულ გაყიდულ პროდუქტზე ირგვება თითო ხე, მომხმარებელს კი დარგული მცენარისთვის თვალის დევნება საკუთარ სმარტფონში შეუძლია.

მსოფლიო მობილურ კონგრესზე ასევე წარმოდგენილი იყო ქართული სტარტაპი RehabGlove - ელექტრონული ხელთათმანი, რომელიც სპეციალური პროგრამის საშუალებით ადამიანებს დაზიანებული კიდურების რეაბილიტაციაში ეხმარება.

მსოფლიო მობილური კონგრესი ყოველწლიურად იმართება ბარსელონაში. წელს ღონისძიებას 108,000 სტუმარი ესწრებოდა 208 ქვეყნიდან. გამოფენაში მონაწილეობა მიიღო 2,500-ზე მეტმა კომპანიამ. მათ ინვესტორებსა და კონგრესის სტუმრებს საკუთარი პროექტები გააცნეს.

"ვამაყობთ, რომ მსოფლიო ტექნოლოგიურ რუკაზე წელს საქართველოც არის აღბეჭდილი და ამაში წვლილი ჩვენც მიგვიძღვის. Eurasia Mobile Challenge-ის აპლიკანტების რაოდენობა წლიდან წლამდე საგრძნობლად იზრდება და დარწმუნებული ვართ, რომ კიდევ ბევრ ნიჭიერ ახალგაზრდას აღმოვაჩენთ ახალი და საინტერესო პროექტებით", - აღნიშნა ბილაინის გენერალურმა დირექტორმა, გიორგი ტყეშელაშვილმა.

Eurasia Mobile Challenge კომპანია ბილაინის სოციალური პასუხისმგებლობის კამპანიის, Make Your Mar-ის ფარგლებში ყოველ წელს ტარდება.

კონკურსის მიზანია თანამედროვედ მოაზროვნე, ნიჭიერი ახალგაზრდების წახალისება, რათა მათ გლობალურ ბაზარზე მიაღწიონ წარმატებას.

ამავე თემაზე: Eurasia Mobile Challenge-ს გამარჯვებულები საქართველოდან