მარველის გულშემატკივრებისთვის მშვენიერი სიახლე გვაქვს: ახალი ფილმის, Eternals-ის საბოლოო ტრეილერი უკვე აქაა და ის იმაზე შთამბეჭდავია, ვიდრე ველოდით.

Eternals განსაკუთრებული ძალების მქონე უკვდავი ხალხის ისტორიას მოგვითხრობს, რომლებიც დედამიწაზე ათასობით წელია საიდუმლოდ ცხოვრობენ. ფილმში ვიხილავთ ისეთ ვარსკვლავებს, როგორებიც არიან ანჯელინა ჯოლი, ჯემა ჩანი, რიჩარდ მადენი, სელმა ჰაიეკი, კიტ ჰარინგტონი და სხვები.

ფილმის პრემიერა 5 ნოემბერსაა დაგეგმილი და ამ მოლოდინს კიდევ უფრო ამძაფრებს ის ფაქტი, რომ მისი რეჟისორი ოსკაროსანი ქლოა ჭაოა.

შეგახსენებთ, რომ ქლოა ჭაოს Nomadland 2021 წლის ოსკარის დაჯილდოებაზე საუკეთესო ფილმად აღიარეს. თავად ქლოა ჭაო კი ისტორიაში მეორე ქალი გახდა, რომელიც საუკეთესო რეჟისორად დასახელდა.