გირჩი — მეტი თავისუფლების, დროასა და ევროპული საქართველოს თბილისის ვიცე-მერობის კანდიდატი ცოტნე კობერიძე იქნება. როგორც ცნობია, მას მხარს უჭერს ნაციონალური მოძრაობაც.

"მე სრულად ვიაზრებ იმ პასუხისმგებლობას, რა პასუხისმგებლობაც მოჰყვება ოპოზიციის საერთო ვიცე-მეორობის კანდიდატს. ასევე, სრულად ვიაზრებ, რომ ეს არჩევნები არის ყველასგან განსხვავებული ტიპის არჩევნები და ვიაზრებ, რომ თუ წელს, ამ არჩევნებზე პასუხი არ გავეცით ქართულ ოცნებას, თუ ქართული ოცნება არ დავამარცხეთ, მაშინ ამ ქვეყანას, დიდი ალბათობით, მომავალი არ უწერია. სრულად ვიაზრებ, რომ ერთადერთი იარაღი მათი დამარცხების არის იდეა. იდეა, რომ ეს ქვეყანა უნდა იყოს თავისუფალი", — განაცხადა კობერიძემ ვიცე-მერობის კანდიდატად დასახელების შემდეგ.

გირჩი — მეტი თავისუფლებამ თბილისის ვიცე-მერობის კანდიდატის შესარჩევად პრაიმერისი ჩაატარა. მასში ცოტნე კობერიძესთან ერთად იმედა კლდიაშვილიც მონაწილეობდა. პარტიის წევრებს მათთვის სასურველი კანდიდატისთვის ხმის მიცემა დღეს, 12 ოქტომბრის 09:45 საათიდან 19:45 საათამდე ელექტრონულად შეეძლოთ.

აღსანიშნავია, რომ პარტიამ პრაიმერისში მონაწილე პოლიტიკოსების რეიტინგი როგორც დემოკრატიული, ისე მერიტოკრატიული პრინციპით გაზომა. ცოტნე კობერიძემ ორივე შემთხვევაში გაიმარჯვა.

გუშინ, 11 აგვისტოს, გირჩი — მეტი თავისუფლების, ევროპული საქართველოსა და დროას ლიდერებმა განაცხადეს, რომ თბილისის საკრებულოში მაჟორიტარობის საერთო კანდიდატებს წარადგენენ. ცნობილია, რომ დანარჩენ კანდიდატებს პარტიები კვირას, 15 აგვისტოს წარადგენენ.

ადგილობრივი თვითმმართველობის არჩევნები 2 ოქტომბერს გაიმართება.