ჯანდაცვის მინისტრის, ეკატერინე ტიკარაძის განცხადებით, გამომდინარე იქედან, რომ ჯანდაცვის სექტორს საწოლფონდის მობილიზებაზე ხშირად აკტირიკებენ, სხვა ქვეყნებს შეადარეს და აღმოჩნდა, რომ საქართველოს 100 000 სულ მოსახლეზე 3-ჯერ მეტი საწოლი აქვს მობილიზებული, ვიდრე დასავლეთის ქვეყნებს.

"ჩვენ ვერ შევაგროვებთ და ვერ გავუკეთებთ მობილიზაციას იმ საწოლების რაოდენობას, რომელიც ფიზიკურად ან არ გვაქვს, ან რომელ საწოლებსაც ექიმები ვერ მოემსახურებიან. ასეთი საწოლები, ასევე, არსებობს ბინაში, რომელსაც შეიძლება ვერ მოემსახუროს და რა თქმა უნდა, ჯანდაცვის სამინისტრო ვერ გააკეთებს იმას, რაც დღევანდელი არსებული რესურსით საქართველოსთვის შეუძლებელია", — განაცხადა მან.

ჯანდაცვის სექტორის წამრომადგენლებს არაერთხელ უსაუბრიათ საწოლფონდის მობილიზებასა და რესურსის ამოწურვაზე. გუშინ, 9 აგვისტოს ეკატერინე ტიკარაძემ განაცხადა, რომ საწოლფონდის სერიოზული დეფიციტია. გარდა ამისა, ჯანდაცვის სამინისტროს ინფორმაციით, კოვიდპაციენტებისთვის მაქსიმუმ 8 000 საწოლის გამოყენება შეუძლიათ. მინისტრის მოადგილის, თამარ გაბუნიას თქმით, 4 აგვისტოს მდგომარეობით, 7 000-მდე საწოლია მობილიზებული და დამატებითი კლინიკები და სასტუმროები ერთვებიან, თუმცა მას ზუსტი რაოდენობა არ დაუკონკრეტებია.