ფინანსთა სამინისტროს საგამოძიებო სამსახურმა, დიდი ოდენობით ალკოჰოლური სასმელების აქციზური მარკის გარეშე რეალიზაციის ბრალდებით, ორი პირი დააკავა.

გამოძიების ვერსიით, ბრალდებულებმა, მარკირებას დაქვემდებარებული კონიაკი Hennessy X.O, აქციზური მარკის გარეშე გაყიდეს, რითაც თავს არიდებდნენ კანონით დადგენილი აქციზის გადასახადის სახელმწიფო ბიუჯეტში გადახდას.

საქმეზე მიმდინარეობს გამოძიება საქართველოს სსკ-ის 200-ე მუხლის მე-2 ნაწილის ბ და გ ქვეპუნქტებით, რაც ითვალისწინებს თავისუფლების აღკვეთას ოთხიდან ექვს წლამდე.