მსოფლიოს ერთ-ერთმა წამყვანმა მედიასაშუალება CNN-მა ცოტა ხნის წინ სამსახურიდან 3 ადამიანი გაათავისუფლა. ამის მიზეზი დასაქმებულების მიერ კომპანიის შინაგანაწესის დარღვევაა, რომლის მიხედვითაც, კორონავირუსის გავრცელების ფონზე, აუცრელ თანამშრომლებს ოფისში გამოცხადება ან საქმიანობის შესრულებისას სხვა თანამშრომლებთან კონტაქტი ეკრძალებათ.

CNN-ის პრეზიდენტის, ჯეფ ცუკერის განცხადებით, კომპანია კოვიდვაქცინასთან დაკავშირებული რეგულაციის დარღვევის შემთხვევაში შემწყნარებლობას არ იჩენს.

თანამშრომლებისთვის ოფისში სიარული ჯერჯერობით ნებაყოფლობითია და ცუკერის თქმით, ოფისში ახალი ამბების ჟურნალისტების მესამედი უკვე დაბრუნდა. კომპანიის თანამშრომლები ოფისში დაბრუნებას 7 სექტემბერს გეგმავდნენ, თუმცა ეს თარიღი, ბოლო ინფორმაციის მიხედვით, ოქტომბრამდე გადაიწევს.

CNN ერთადერთი კომპანია არაა, რომელიც თანამშრომლებს ვაქცინაციას ავალდებულებს. დასაქმებულების მიმართ იგივე მოთხოვნები აქვთ წამყვან კომპანიებს — Google-სა და Facebook-ს.

ამავე თემაზე: