თბილსერვისის ჯგუფის დასუფთავების სამსახურის თანამშრომლები ხელფასის მომატების მოთხოვნით აქციას მართავენ. ისინი ხელფასების მომატებასა და ხელშეკრულების პირობების შესრულებას ითხოვენ. თანამშრომლები საუბრობენ იმაზეც, რომ მათ რთულ პირობებში უწევთ მუშაობა.

"ჩვენ ნაგავში ვართ დილიდან საღამომდე, მანქანას წყალი გასდის, ბორბლები დაფუშული, ვინ არის ამის პასუხისმგებელი? ფორმა მე არ მაქვს, ხელფასი მე არ მაქვს. კალაძეს უთქვამს ხელმძღვანელობისთვის, რომ ჩვენ მერია არ ვართ კმაყოფილები მაგათი მუშაობით და ვერ მოვუმატებთ [ხელფასს].

მოვიდეს ბატონი კალაძე, გამომყვეს — ის დანგრეული ბუნკერები, ზოგს ბორბალი რომ არა აქვს, 500 კილოს რომ უდრის ნაგავი და მანქანამდე ხელით რომ ვახოხებ 40 გრადუს ციხეში, ნახოს", — უთხრა ერთ-ერთმა გაფიცულმა მთავარ არხს.

On.ge თბილსერვისის ჯგუფს დაუკავშირდა, სადაც გვითხრეს რომ ამ ეტაპზე კომპანია გაფიცულ თანამშრომლებთან შეხვედრებს მართავს, რომლის შედეგებსაც მათი დასრულებისთანავე გაგვაცნობენ.