თბილისის მერის, კახა კალაძის განცხადებით, მაჭავარიანის ქუჩაზე, სადაც მიმდინარე წლის გაზაფხულზე მეწყრული ზონა გამოვლინდა, საავტომობილო მოძრაობა აგვისტოს ბოლომდე ორმხრივად აღდგება.

კალაძის თქმით, საავტომობილო მოძრაობის აღდგენა ადგილზე მიმდინარე სამუშაოების დასრულების სემდეგ იქნება შესაძლებელი, რომელსაც მერიის დაკვეთით, კომპანია კავკასუს როუდ პროჯექტი ასრულებს. როგორც კალძემ თბილისის მერიის სხდომაზე აღნიშნა, აგვისტოს ბოლოს დასრულდება.

"მაჭავარიანის ქუჩაზე გამოვლენილ მეწყრულ ზონაში, სადაც ქართველი და უცხოელი სპეციალისტების ჩართულობით, სხვადასხვა მნიშვნელოვანი მეწყერსაწინააღმდეგო ღონისძიება განხორციელდა, ამჟამად სამუშაოების ბოლო ეტაპი მიმდინარეობს", — განაცხადა დედაქალაქის მერმა.

მისივე თქმით, სპეციალური სისტემების საშუალებით, დღემდე 24-საათიანი მონიტორინგისა და ეფექტური საპრევენციო სამუშაოების შედეგად, დროებით სტაბილურობას მიაღწიეს.

"ვაშლიჯვარი-ლისის დამაკავშირებელ საავტომობილო გზაზე მეწყერსაწინააღმდეგო პროექტის ფარგლებში, ფერდის გამაგრება ე.წ. ანკერების, მიწის მოჭრისა და სხვადასხვა ტიპის სამუშაოების საშუალებით ხორციელდება", — თბილისის მერმა.

17 მარტს ფორუმზე გავრცელდა ფოტოები, სადაც ჩანს, რომ ვაშლიჯვრისა და ნუცუბიძის დამაკავშირებელი გზის ფერდობზე ნაპრალები გაჩნდა. ფოტოების გავრცელებამდე, დილით, თბილისის მერმა, კახა კალაძემ განაცხადა, რომ მაჭავარიანის ქუჩაზე მეწყრული პროცესების გააქტიურების გამო ტრანსპორტის მოძრაობა ორმხრივად შეიზღუდებოდა. კალაძეს არ უთქვამს ზუსტად როდის დაიწყო ეს პროცესები, თუმცა აღნიშნა, რომ დამეწყრილი უბნის შესწავლაში მერიის სამსახურებთან ერთად, შესაბამისი უწყებების სპეციალისტები უკვე ჩართულნი იყვნენ.

ამავე თემაზე: