26 ივლისს სამეგრელოში პოლიციელების ცემის ბრალდებით დაკავებულ 2 სპორტსმენს რაიონულმა სასამართლომ აღკვეთის ღონისძიების სახით პატიმრობა შეუფარდა.

აღნიშნული ბრალდებით 26 ივლისს 4 პირი დააკავეს, 2 მათგანი სისხლის სამართლის კოდექსის 353-ე მუხლით არიან დაკავებული, რაც ითვალისწინებს წინააღმდეგობას, მუქარას ან ძალადობას საზოგადოებრივი წესრიგის დამცველის ან ხელისუფლების სხვა წარმომადგენლის მიმართ, 2 მათგანი ადმინისტრაციულ სამართალდარღვევათა კოდექსის 166-ე და 173-ე მუხლებით არიან დაკავებული.