ევროპული საბჭოს პრეზიდენტის, შარლ მიშელის განცხადებით, უზენაესი სასამართლოს მოსამართლეების სწრაფი დანიშვნა კონსულტაციების შედეგებს სრულად არ ასახავს. ბათუმში, პრეზიდენტის, პრემიერმინისტრისა და ოპოზიცის წარმომადგენლებთან შეხვედრის შემდეგ მან განაცხადა, რომ მართლმსაჯულების რეფორმა არის 19 აპრილის შეთანხმების მთავარი ნაწილი და ასევე, წინაპირობაა ევროკავშირის მაკროფინანსური დახმარების მისაღებად.

"უზენაესი სასამართლოს მოსამართლეების სწრაფი დანიშვნა სრულად არ ასახავს იმ კონსულტაციების შედეგებს, რომელიც იყო საერთაშორისო პარტნიორებთან და ასევე, ადგილობრივ დაინტერესებულ პირებთან ჩართულობით. ეს ნამდვილად არის დაკარგული შესაძლებლობა", — განაცხადა მიშელმა.

მისივე თქმით, ის კმაყოფილია, რომ 19 აპრილს გაფორმებული შეთანხმების ყველა ხელმომწერი ერთგული რჩება შესრულდეს ყველა ის საკითხი, რომელიც ამ შეთანხმებაში იყო ასახული.

მიშელმა, ასევე, მოუწოდა ყველა პოლიტიკურ მარტიას, ვისაც შეთანხმებისთვის ხელი არ აქვს მოწერილი, შეუერთდეს მას.