ყველაზე დიდი E-Commerce პლატფორმა, პირველად სრულად განახლდა, 17 წლის მანძილზე და ახალ შესაძლებლობებს სთავაზობს ფიზიკურ პირებს, რათა გაუმარტივდეთ ონლაინ ვაჭრობა და მიიღონ ფინანსური სარგებელი.

ყველაზე საჭირო ადგილი ქართულ ინტერნეტში — Mymarket, მუდმივად ავითარებს იმგვარ სერვისებს, რომელიც მომხმარებელს, მოცემულ დროში, ყველაზე მეტად სჭირდება. მკაცრი რეგულაციების ფონზე, 2020-ის მაისში პლატფორმას დაემატა ახალი სერვისი, რითიც ფიზიკურ პირებს გაუჩნდათ შესაძლებლობა იყიდონ ან გაყიდონ სასურველი ახალი თუ მეორადი ნივთები დისტანციურად, ონლაინ გადახდითა და მიწოდების სერვისის დახმარებით.

ახალ Mymarket-ზე ფიზიკური პირებისთვის, ერთ-ერთი მნიშვნელოვანი სიახლე იქნება მომხმარებლის მიერ გამყიდველის შეფასების სისტემა. აღნიშნულით, მომხმარებელი შეძენის შემდეგ, გამოცდილების საფუძველზე, შეაფასებს ფიზიკურ პირს თუ მაღაზიას, რაც გააუმჯობესებს მომსახურების ხარისხს, გაუადვილებს სხვა მყიდველს არჩევანის გაკეთებას და ფიზიკურ პირებს დაეხმარება გახდნენ კონკურენტუნარიანნი, ივაჭრონ Mymarket-ზე უფრო მარტივად და მიიღონ დამატებითი შემოსავალი.

ყიდვა-გაყიდვის გასამარტივებლად ფიზიკური პირებისგან ონლაინ შეძენის შემთხვევაში, Mymarket მომხმარებელს საშუალებას აძლევს ისარგებლოს გადახდის მრავალგვარი მეთოდით, როგორიც არის საბანაკო ბარათით, სწრაფი გადახდის აპარატების მეშვეობით და ერთგული ქულებით ანგარიშსწორება.

ონლაინ ვაჭრობის სტიმულაციისთვის Mymarket მუდმივად ნერგავს ახალ სერვისებს და თანამშრომლობს საბანკო სექტორთან, რათა საჭირო პროდუქცია ხელმისაწვდომი იყოს მომხმარებლისთვის, მაშინაც კი, როდესაც მის შესაძენად საკმარისი თანხა არ აქვს. ასეთ შემთხვევაში, მომხმარებელს პლატფორმაზე საშუალება აქვს მეორადი პროდუქციის ფიზიკური პირისგან შეძენის შემთხვევაში ისარგებლოს თიბისი კრედიტის სესხით, რაც ფიზიკურ პირებს ეხმარება ხელმისაწვდომი გახადონ მათი პროდუქცია.

ამიერიდან, Mymarket გააერთიანებს ყველა საჭირო სერვისს, რაც ფიზიკურ პირებს სჭირდებათ წარმატებული ვაჭრობისთვის, გაუმარტივებს მათ E-commerce-ში ჩართვას და მისცემს ახალ შესაძლებლობებს, რაც ასე მნიშვნელოვანია მოცემულ დროს.