რია ნოვოსტის ინფორმაციით, უკრაინაში გასამართლებული რუსი სამხედროები, ევგენი ეროფეევი და ალექსანდრ ალექსანდროვი, შეწყალებას არ მოითხოვენ. ამის შესახებ ინფორმაციას ადვოკატი, ოქსანა სოკოლოვსკაია, ავრცელებს.

მისი განმარტებით, აღნიშნული გადაწყვეტილება დაკავებულებმა, ადვოკატებთან ერთად, იმიტომ მიიღეს, რომ უკრაინის სასამართლოს მიერ გამოტანილ განაჩენს უკანონოდ მიიჩნევენ.

თუმცა, სოკოლოვსკაიას თქმით, მიუხედავად იმისა, რომ რუსი სამხედროები შეწყალების თხოვნას არ აპირებენ, ახალი კანონის შესაბამისად, ამის გაკეთება მსჯავრდებულების ნათესავებს შეუძლიათ. გარდა ამისა, შეწყალების თხოვნა უმაღლესი რადის წარმომადგენელსაც შეუძლია.

რუს ჯარისკაცებს ბრალად 2015 წლის მაისში, აღმოსავლეთ უკრაინის ტერიტორიაზე, ტერორისტული საქმიანობასა და აგრესიული ომის წარმართვა ედებათ. 18 აპრილს კიევის სასამართლომ ისინი დამნაშავედ ცნო, სასჯელად კი 14 წლით თავისუფლების აღკვეთა და ქონების კონფისკაცია შეუფარდა.