ქუთაისის ერთ-ერთი კერძო სკოლის დირექტორი უარს ამბობს ისაუბროს მისი სკოლის მეორე სართულიდან მოსწავლის გადმოხტომის ფაქტზე.

ქუთაისიპოსტის ინფორმაციით, ბავშვის მდგომარეობა სტაბილურია და ის ამ დროისთვის ნეიროქირურგიულ განყოფილებაში იმყოფება.

დირექტორი უარყოფს გავრცელებულ ინფორმაციას იმაზე, რომ მოსწავლე თანაკლასელებმა სკოლის საპირფარეშოში ჩაკეტეს, რის გამოც ბავშვი მეორე სართულიდან გადმოხტა.

"ბულინგის მსხვერპლი არ ყოფილა. ბავშვი ორ კვირაში დაბრუნდება სკოლაში" - აცხადებს დირექტორი.

შინაგან საქმეთა სამინისტროს პრესსამსახურში On.ge-ს უთხრეს, რომ გამოძიება 124-ე მუხლით მიმდინარეობს, რაც ჯანმრთელობის ნაკლებად მძიმე დაზიანებას, გაუფრთხილებლობას გულისხმობს. უწყება აღნიშნულზე დამატებით განმარტებას არ აკეთებს.