ქართული ოცნების ერთ-ერთი ლიდერის ეკა ბესელიას თქმით, კორცხელში მომხდარ ინციდენტთან დაკავშირებით საზოგადოებამ გამოძიებას მუშაობის საშუალება უნდა მისცეს:

"2 დღეა გასული სულ, 2 დღე, გამოძიებას უნდა მივცეთ საშუალება, რომ იმუშაოს არა პოლიტიკური დღის წესრიგით, არამედ სამართლებრივი პროცედურებითა და სისხლის სამართლის საპროცესო კოდექსით. მნიშვნელობა არ აქვს, ვინ ჩადის ძალადობას, ვინც არ უნდა იყოს ჩამდენი, მას არ ექნება არც მხარდაჭერა და არც არავინ დააფარებს ხელს".

ეკა ბესელიამ საუბრის ბოლოს დასძინა, რომ ყველას დაკითხვა მიმდინარეობს.

22 მაისს, ზუგდიდში, კორცხელის საარჩევნო უბანზე, სადაც შუალედური ადგილობრივი თვითმმართველობის არჩევნები მიმდინარეობდა, ნაციონალური მოძრაობის წევრებს, მათ შორის გიგა ბოკერიასა და ნიკა მელიას, სცემეს.