წიგნებიდან, ფილმებიდან და სერიალებიდან უამრავ კრიმინალურ ისტორიას ვიცნობთ, თუმცა შემზარავი ამბების ძიება გამოგონილ სამყაროში სულაც არ გვჭირდება, მათ რეალურ ცხოვრებაშიც მარტივად გადავაწყდებით ხოლმე.

სისხლისგამყინავი დანაშაულები ძირითადად სერიულ მკვლელებს უკავშირდებათ. ამ სტატიაშიც რამდენიმე ასეთ ცნობილ ბოროტმოქმედზე მოგითხრობთ, რომელთა შესახებაც, შესაძლოა, აქამდეც გსმენიათ, მაგრამ Reddit-ის მომხმარებლებმა ის კონკრეტული ფაქტები გაიხსენეს, რომლებმაც ამ პიროვნებების ბიოგრაფიიდან ემოციურად ყველაზე მეტად იმოქმედა მათზე.

1. ედ გინი, რომელიც შთაგონება გახდა ლიტერატურასა და კინოში ცნობილი ისეთი პერსონაჟებისა, როგორებიცაა ნორმან ბეიტსი და ბუფალო ბილი, სახლში საფლავებიდან ამოთხრილ ძვლებსა და ადამიანის სხვადასხვა ნაწილებს აგროვებდა და ინახავდა. ამის გამო მისი საცხოვრებელი საზარელ ჯურღმულს ჰგავდა, მაგრამ მხოლოდ ერთი ოთახი იყო ხელშეუხებელი და სუფთა: გარდაცვლილი დედის საძინებელი

ფოტო: Bettmann / Bettmann Archive

2. მარტინ სკორსეზეს ლეგენდარული ფილმის ტაქსის მძღოლი პერსონაჟი ტრევის ბიკლი, რომლის როლსაც რობერტ დე ნირო ასრულებს, სხვადასხვა რეალური ადამიანის შთაგონებით შეიქმნა. მათ შორის მისი კულინარიული გემოვნება ზემოთ ხსენებულმა ედ გინის ამბავმა განსაზღვრა: როცა დააპატიმრეს, დაკითხვაზე გინმა პოლიციელებს სთხოვა, რომ საჭმელად ფინჯანი ყავა და ვაშლის ღვეზელი ყველით მიეტანათ მისთვის. სწორედ იგივე შეუკვეთა ტრევის ბიკლმაც კაფეში ერთ-ერთ სცენაში

ფოტო: Columbia Pictures

3. ჯეფრი დამერი, რომელიც მინიმუმ 17 ადამიანის წინაშე ჩადენილი დანაშაულის გამო გაასამართლეს, მათ შორის მკვლელობის, გაუპატიურების, ნეკროფილიისა და კანიბალიზმის გამო, თავის სახლში სტუმრებს ხშირად უმასპინძლდებოდა სენდვიჩებით, მოგვიანებით კი ივარაუდეს, რომ ამ სენდვიჩებს მსხვერპლების ხორცით ამზადებდა

ფოტო: Bwfolsom / Getty Images

4. მაკ რეი ედვარდსმა მინიმუმ შვიდ არასრულწლოვანზე იძალადა და მოკლა. ის ავტომაგისტრალების კონსტრუქტორი იყო და გვამებს იქ მარხავდა, სადაც გზები გაჰყავდა. ყველა მსხვერპლის გვამი დღემდე არ არის აღმოჩენილი და ვარაუდობენ, რომ მათი ძვლები აქამდე კალიფორნიის შტატში ავტომაგისტრალების ქვეშაა დამარხული

ფოტო: Thomas Northcut / Getty Images

5. ალბერტ ფიშს მაზოხისტური გატაცებები ჰქონდა: სასქესო ორგანოს ირგვლივ სხეულზე ნემსების შერჭობით სიამოვნებას იღებდა

რენდგენზე გამოჩენილი ნემსები ალბერტ ფიშის სხეულში.

ფოტო: Wikimedia Commons

6. ტედ ბანდი, რომელმაც 1970-იან წლებში ათეულობით შემზარავი დანაშაული ჩაიდინა, თვითმკვლელობის პრევენციის ცხელ ხაზში ოპერატორად მუშაობდა

7. ამერიკის ისტორიაში ერთ-ერთი ყველაზე ცნობილი ბოროტმოქმედი და კულტის ლიდერი ჩარლზ მენსონი ბავშვობაში დედამისმა ერთ კახთა ლუდზე გაყიდა

ფოტო: Getty Images

8. ნენი დოსს "მოხითხითე ნენი" შეარქვეს, რადგან როცა თავისი ყოფილი ქმრების მკვლელობებს იხსენებდა, სულ იღიმოდა და იცინოდა

ფოტო: ASSOCIATED PRESS