საპატრიარქო რუსთაველის გამზირზე მიმდინარე დაპირისპირებას ეხმაურება და შეკრებილ მოქალაქეებს სიმშვიდისკენ მოუწოდებს.

"მივმართავთ ჩვენი ქვეყნის მოქალაქეებს, საზოგადოების ყველა წევრს — დაუშვებელია ისედაც დაძაბულ ფონზე გინებითა და სიტყვიერი შეურაცხყოფით დაპირისპირების შემდგომი ესკალაცია.

დაპირისპირების ფიზიკურ შეურაცხყოფაში გადაზრდა საზიანო იქნება ჩვენი ქვეყნისათვის. ძალადობა ვერასდროს იქნება სიკეთის მომტანი, ის დააზარალებს არა მხოლოდ ცალკეულ ადამიანებს, არამედ მთელ ჩვენს საზოგადოებასა და სახელმწიფოს", — ვკითხულობთ საპატრიარქოს ოფიციალურ განცხადებაში.

ამ წუთებში რუსთაველის გამზირზე ვითარება დაძაბულია. მას შემდეგ, რაც მდუმარე აქციაზე ლგბტ დროშა გაშალეს კონტრაქციის მონაწილეები უფრო მეტად აგრესიულები გახდნენ. ისინი აქციის მონაწილეებისკენ ბოთლებს, კვერცხებს, ქვებს და რკინებს ისვრიან. დაშავდა რამდენიმე ადამიანი. პოლიცია მოძალადეებს პერიოდულად აკავებს, თუმცა, სულ რამდენი ადამიანია დაკავებული, ამ ეტაპზე უცნობია.

მშვიდობიანი აქციის მონაწილეები სკანდირებენ და სპეცრაზმის გამოყვანას ითხოვენ.

გაიგე მეტი: