შინაგან საქმეთა სამინისტროს განცხადებით, 1993 წელს დაბადებული უკრაინის მოქალაქე, ნარკოდანაშაულისთვის თბილისში დააკავეს.

შსს-ს მტკიცებით, სამართალდამცველებმა დაკავებულისგან 152 შეკვრად დაფასოებული კანაფის ფისის შემცველი ნარკოტიკული საშუალება და 0,05314 გრამი ამფეტამინი ამოიღეს.

უწყება ასევე ირწმუნება, რომ ნარკოლოგიური შემოწმების შედეგად, დაკავებულს სხვადასხვა დასახელების ნარკოტიკის მოხმარების ფაქტი დაუდგინდა.

გამოძიება განსაკუთრებით დიდი და დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს.