ეზიდთა სასულიერო საბჭო თბილისი პრაიდთან დაკავშირებით კიდევ ერთ განცხადება გაავრცელეს და აღნიშნავენ, რომ შეცდომა დაუშვეს. როგორც ისინი აღნიშნავენ, მათ არ გაითვალისწინეს, რომ განცხადება შესაძლოა ძალადობის ლეგიტიმაციისთვის იყოს გამოყენებული.

"ჩვენმა სასულიერო საბჭომ გამოაქვეყნა განცხადება, რომელშიც შევეცადეთ ეზიდური თეოლოგიის შუქზე გვეჩვენებინა, თუ რას ნიშნავს ჩვენი რელიგიისათვის სექსუალური ორიენტაცია. სამწუხაროდ, ჩვენ შეცდომა დავუშვით, რადგანაც არ გავითვალისწინეთ, რომ ძალადობის მუქარისა და კარს მომდგარი დაპირისპირების საფრთხის წინაშე ჩვენი განცხადება სწორედ ძალადობის ლეგიტიმაციისათვის შეიძლება იყოს გამოყენებული, რაც ასეც მოხდა", — ვკითხულობთ განცხადებაში.

როგორც ეზიდთა სასულიერო საბჭოში ამბობენ, ყველა ადამიანს აქვს უფლება მშვიდობიანად გამოიყენოს კონსტიტუციით მინიჭებული გამოხატვის თავისუფლება.