თუ ოდესმე ნასაში გინდოდათ მუშაობა ან ახლა გინდათ და გაინტერესებთ რა პროგრამებთან აქვთ ურთიერთობა ასტრონომებს, ინჟინრებსა და სხვა საჭირო პროფესიის ადამიანებს, ამის შანსი უკვე გაქვთ. ნასამ, სრულიად უფასოდ, 2017-2018 წლების პროგრამული კატალოგი გამოაქვეყნა და მასში ძალიან მაგარ აპლიკაციებს, კოდების ბიბლიოთეკებსა და სასარგებლო პროგრამებს შეხვდებით.

ბიბლიოთეკა მოიცავს აპლიკაციების მთელ რიგს, რომელიც იწყება ძალიან ტექნიკური Consultative Committee for Space Data Systems File Delivery Protocol-ით, რომელიც დიდ ფაილებს აგზავნის ნასას მიწაზე არსებულ სისტემებსა და კოსმოსური ზონდის კონტროლის ერთეულებს შორის და მთავრდება Spacewalk თამაშით, რაც ზუსტად ისაა, როგორც ჟღერს. ყველაფერია: ავტონომიური კონტროლის პაკეტებიდან დაწყებული, სასიცოცხლო სისტემის სამართავ პროგრამებით დამთავრებული.

აქ ასევე ნახავთ რამდენიმე ხელსაწყოს, რომელთა მორგებაც ფოტოგრაფიაზე შეიძლება.

მაგალითად, რეაქტიული მოძრაობის ლაბორატორიის Stereo Vision Software Suite სტერეოსკოპული კამერების კალიბრაციისთვის ან Video Image Stabilization and Registration. კატალოგში ასევე ხელმისაწვდომია 3D მოდელები და ტექსტურები. დრონების მოყვარულებისთვის არსებობს პროგრამა: Autonomous Precision Landing Navigation System, რომელიც თავდაპირველად საზღვაო რაკეტებისათვის შეიქმნა.

კატალოგში ასევე შეხვდებით Formation Flying System for UAVs and Satellites-ს, თუ ოდესმე გინდათ ლეიდი გაგას Super Bowl Halftime გაიმეოროთ.

ეს ძალიან მცირე ჩამონათვალია იმისა, რაც სრულ კატალოგშია. შენ შეგიძლია ნასას პროგრამების გვერდიდან იპოვოთ სასურველი პროგრამა.