იურიდიულ საკითხთა კომიტეტმა, უზენაესი სასამართლოს მოსამართლეობის კანდიდატების კანონმდებლობის მოთხოვნებთან შესაბამისობის დასადგენად სამუშაო ჯგუფი შექმნა. ჯგუფის მდივანი ქართული ოცნების დეპუტატი, რატი იონათამიშვილი იქნება.

სამუშაო ჯგუფში მონაწილეობაზე უარი განაცხადეს შემდეგმა ოპოზიციურმა ფრაქციებმა: შარლ მიშელის რეფორმების ჯგუფი, ლელო — პარტნიორობა საქართველოსთვის, ენმ — გაერთიანებული ოპოზიცია ძალა ერთობაშია, ასევე, პარტია გირჩის დეპუტატებმა და უფრაქციო წევრებმა, თამარ ჩარკვიანმა და მიხეილ დაუშვილმა. ოპოზიციის ნაწილმა კომიტეტის სხდომა პროტესტის ნიშნად დატოვა. მათი განცხადებით მიმდინარე პროცესი საერთოდ უნდა შეჩერდეს და შეიქმნას არა წარდგენილ მოსამართლეთა კანონმდებლობასთან შესაბამისობის, არამედ მთლიანად, მართლმსაჯულების რეფორმის სამუშაო ჯგუფი.

აღსანიშნავია, რომ კომიტეტმა ჯგუფის შექმნისას ოპოზიციონერი დეპუტატების ადგილები მაინც გაითვალისწინა. გადაწყდა, რომ სამუშაო ჯგუფში იქნება 13 წევრი მმართველი პარტიიდან, ხოლო სხვა დანარჩენ ფრაქციებს, პოლიტიკურ ჯგუფებსა და პარლამენტის უფრაქციო წევრებს თითო-თითო წევრი ყოფის უფლება ექნებათ.

გაიგე მეტი: