პარტია მოქალაქეების ერთ-ერთი ლიდერი, ლევან იოსელიანი აცხადებს, რომ ღირსების მარშთან დაკავშირებით სახელმწიფომ უნდა შეძლოს ბალანსის დაცვა გამოხატვის თავისუფლებასა და ძალადობის წახალისებას შორის.

"მთავარი არის, რომ ამ დღეს იქნას დაცული — ვეთანხმები სრულიად ამერიკის ელჩს — მაქსიმალურად მშვიდობა ყველა ადამიანის. გამოხატვის თავისუფლება უნდა იყოს დაცული, ერთი მხრივ და მეორე მხრივ, ძალადობა არ უნდა იქნას არცერთი ფორმით წაქეზებული და სახელმწიფომ უნდა უზრუნველყოს ამ ბალანსის დაჭერა", — განაცხადა ლევან იოსელიანმა.

დღეს, აშშ-ს ელჩმა საქართველოში, კელი დეგნანმა განაცხადა, რომ სამართალდამცველებს აქვთ ვალდებულება, რომ ადამიანების თავისუფალი შეკრების უფლებისა და აზრის გამოხატვის თავისუფლების დაცვა უზრუნველყონ. დეგნანმა იმედი გამოთქვა, რომ ღირსების მარში მშვიდობიანად და ძალადობის გარეშე ჩაივლის.

5 ივლისს Tbilisi Pride ღირსების მარშს გამართავს, რომელიც კვირეულის ფარგლებში ეწყობა. მარშის სლოგანია "გამოდი სოლიდარობისთვის".

გაიგე მეტი: