ფრაქცია ნაციონალური მოძრაობა — გაერთიანებული ოპოზიცია ძალა ერთობაშია პარლამენტში კომიტეტის თავმჯდომარეებისა და მოადგილეების თანამდებობზე უარს ამბობს.

"სამწუხაროდ, ცრუ ინფორმაციას ავრცელებენ, თითქოს ჩვენ გვინდა საპარლამენტო თანამდებობები. შარლ მიშელის დოკუმენტის მიხედვით, რომელიც ოპოზიციისთვის გარკვეულ თანამდებობებს გულისხმობდა, ჩვენ ამაზე უარი თავშივე განვაცხადეთ", — აღნიშნა დეპუტატმა ლევან ხაბეიშვილმა.

შარლ მიშელის დოკუმენტის თანახმხად, რომელსაც მმართველმა გუნდმა და საპარალამენტო ოპოზიციის ნაწილმა ხელი მოაწერა, პარლამენტში უნდა მოხდეს ძალთა გადანაწილება.

ხუთი კომიტეტის თავმჯომარედ ოპოზიციის წარმომადგენლები უნდა დაინიშნონ და მათგან ორი უნდა იყოს ჩამოთვლილ კომიტეტებს შორის:

  • საპროცედურო საკითხთა კომიტეტი
  • იურიდიულ საკითხთა კომიტეტი
  • ადამიანის უფლებათა დაცვის კომიტეტი
  • საფინანსო-საბიუჯეტო კომიტეტი
  • საგარეო ურთიერთობათა კომიტეტი

ამასთან, ოპოზიციურ პარტიებს უნდა ჰყავდეთ ერთი წარმომადგენელი შემდეგ დელეგაციებში: Euronest, ევროკავშირი-საქართველოს საპარლამენტო ასოცირების კომიტეტი, ევროპის საბჭოს საპარლამენტო ასამბლეა და OSCE (ეუთო).