საქართველოს პარლამენტის თავჯდომარე ირაკლი კობახიძე რუსთავი 2-ის ქიბარ ხალვაშისთვის გადაცემას ეხმაურება და აცხადებს, რომ საქართველოში მედია პლურალიზმი ქართული ოცნების მონაპოვარია:

"მედია პლურალიზმი ქართული ოცნების, ჩვენი ხელისუფლების ერთ-ერთი მთავარი მიღწევა, ჩვენ გვახსოვს, რა ვითარება იყო 2012 წლამდე, იყო 3 ნაციონალური ტელეარხი, რომელიც მაშინდელი მმართველი პარტიის მიერ კონტროლდებოდა. ეს ვითარება 2012 წლის შემდეგ რადიკალურად არის შეცვლილი. მედია პლურალიზმი ჩვენს გუნდს მიეწერება და ამას ჩვენ ვუფრთხილდებით ძალიან. თითოეული ჟურნალისტის, მედიამაუწყებლობის დასაცავად, პარლამენტის უფლებამოსილების ფარგლებში ყველაფერს გავაკეთებთ. სასამართლომ გადაწყვეტილება უკვე მიიღო და ჩვენ დავაკვირდებით მოვლენების განვითარებას".

დღეს, 2 მარტს, უზენაესმა სასამართლომ რუსთავი 2 ქიბარ ხალვაშს მიაკუთვნა.