13 ივნისის ტრაგედიიდან 6 წელი გავიდა. 2015 წლის 12 ივნისის ღამეს მეწყრის ჩამოწოლის შედეგად მდინარე ვერე ადიდა. წყალდიდობას 21 ადამიანის სიცოცხლე ემსხვერპლა, 2 უგზო-უკვლოდ დაიკარგა. დაზარალდა 200-ზე მეტი ოჯახი.

სტიქიის შედეგად დაიღუპა ასეულობით ცხოველი და განადგურდა ზოოპარკის ინფრასტრუქტურა, წყალდიდობისას ცხოველების ნაწილი ზოოპარკიდან გაიქცა.

ასევე განადგურდა და დაზიანდა საცხოვრებელი სახლები, გზები, ხიდები, გვირაბები, საყრდენი კედლები, საკომუნიკაციო სისტემები. დაზარალდა ქალაქის ინფრასტრუქტურის მნიშვნელოვანი ნაწილი: კოჯორი-სამადლოს დამაკავშირებელი გზა, ახალდაბა-წყნეთის გზის მონაკვეთი, თამარაშვილი-გმირთა მოედნის ტერიტორია, მზიური.

სვანიძის ქუჩა - 2015 წლის 13 ივნისი

ფოტო: სვანიძის ქუჩის დაზარალებულთა კომიტეტი

ფოტო: Dmytro Vietrov / Shutterstock

13 ივნისს მოსახლეობამ ერთმანეთს თანადგომა გამოუცხადა და ქალაქის დასახმარებლად გარეთ გამოვიდა. ახალგაზრდების ჯგუფი გამწმენდ სამუშაოებში ჩაერთო. მოქალაქეები ეხმარებოდნენ დაზარალებულებს, აგროვებდნენ პროდუქტს, ტანსაცმელს და პირველადი საჭიროების ნივთებს.

თბილისი, 13 ივნისი, 2015.

თბილისი, 13 ივნისი, 2015.

ფოტო: Reuters

2015 წლის 13 ივნისის სტიქიის შედეგად დაბინძურებულ ვერეს ხეობას მოქალაქეები ასუფთავებენ.

ფოტო: თბილისის მერია

გაიგეთ მეტი: