"ამჯერად რა გააკეთე?" — ეკითხება ჯესიკა ჩესტეინის პერსონაჟს დედა ახალი ფილმის ტრეილერში და შეგვიძლია თამამად ვივარაუდოთ, რომ იგივე რეაქცია ექნება თვითონ ჩესტეინის მშობელსაც თავისი შვილის წარმოუდგენელი ტრანსფორმაციის ხილვისას.

ახალი როლისთვის ოსკარის ნომინანტი მსახიობი ფიზიკურად რადიკალურად შეიცვალა, რათა ერთ-ერთი ყველაზე ცნობილი ამერიკელი ტელეწამყვანი — ტემი ფეი სრულყოფილად განესახიერებინა.

ფილმის The Eyes of Tammy Faye (ტემი ფეის თვალები) პირველი ტრეილერი სულ ცოტა ხნის წინ გამოვიდა უკვე უამრავი მაყურებლის დაინტრიგებაც მოახერხა:

ფილმის სინოფსისის მიხედვით, სიუჟეტი რეალრი პიროვნებების, ტემი ფეისა და მისი ქმრის, ჯიმ ბეკერის თანაცხოვრებისა და 70-80-იან წლებში კარიერული აღმავლობის შესახებ მოგვითხრობს: რამდენად მრავალმხრივი ნიჭით დაჯილდოებული იყო ტემი ფეი, ისეთივე მრავალფეროვანი იყო მისი ცხოვრებაც.

ჯესიკა ჩესტეინთან ერთად მთავარ როლს შეასრულებს ენდრიუ გარფილდი: ის ტემი ფეის ქმარს განასახიერებს. ფილმის რეჟისორი მაიკლ შოუალტერია.

The Eyes of Tammy Faye-ის (ტემი ფეის თვალები) პრემიერა 17 სექტემბერსაა დაგეგმილი.