ამერიკის შეერთებული შტატების სახელმწიფო მდივნის თანაშემწის მოვალეობის შემსრულებელი, ფილიპ რიკერი ამბობს, რომ 19 აპრილის შეთანხმების შესრულება განვითარებული და უსაფრთხო დემოკრატიის უზრუნველყოფისთვის მნიშვნელოვანია.

"ჩემი ვიზიტის გზავნილი გახლავთ ის, რომ უზრუნველყოფილ იქნას საქართველოს წარმატება, როგორც განვითარებული, უსაფრთხო დემოკრატიისა და ძალიან მნიშვნელოვანია ამ კონტექსტში 19 აპრილის შეთანხმების შესრულება, რომელიც მოიცავს საარჩევნო და მნიშვნელოვან სასამართლო რეფორმებს", — ამბობს რიკერი.

სახელმწფო დეპარტამენტის თანაშემწის მოვალეობის შემსრულებელი საქართველოში გამართულ შეხვედრებზე შარლ მიშელის დოკუმენტის შესრულებას, ასევე, საქართველოს მიმართ რუსეთის აგრესიასა და ოკუპაციას განიხილავს.

ფილიპ რიკერი საქართველოში გასულ წლებშიც იმყოფებოდა, თუმცა ბოლოს — 2020 წლის ნოემბერში. სწორედ ის დატოვა სახელმწიფო მდივანმა, მაიკ პომპეომ არჩევნების შემდეგ ოპოზიციასა და ხელისუფლებას შორის მოლაპარაკებებზე.

აღსანიშნავია, რომ რამდენიმე დღის წინ საქართველოს სენატორები: ჯინ შაჰინი და რობ პორტმანიც სტუმრობდნენ.