ჩინეთის ქალაქი კუნმინი, რომელიც 7 მილიონამდე მაცხოვრებელს ითვლის, სპილოების ჯგუფის მოლოდინშია. 15 სპილოსგან შემდგარი ჯგუფი იუნანის პროვინციის ნაკრძალიდანაა გამოქცეული. 500 კილომეტრის გავლის შემდეგ სპილოები ქალაქს უახლოვდებიან.

სპილოებმა მოგზაურობა 2020 წლის მარტში დაიწყეს. ჯერჯერობით უცნობია, რატომ მიატოვეს სპილოებმა საცხოვრებელი და რა მიზეზით გადაწყვიტეს ხანგრძლივი მოგზაურობის მოწყობა. მათ თითოეულ ნაბიჯს დრონები მუდმივად უთვალთვალებენ. გავრცელებული ინფორმაციით, საბედნიეროდ, სპილოების უცნაურ მოგზაურობას მსხვერპლი არ მოჰყოლია, თუმცა გზად $1 მილიონის ღირებულების მოსავალი გაანადგურეს.

აღსანიშნავია, რომ ჯგუფი თავიდან 16 სპილოსგან შედგებოდა, თუმცა 2 უკან დაბრუნდა, გზაში კი ერთი სპლიყვი დაიბადა.

ხელისუფლება სპილოების მარშრუტის მიმდებარედ მცხოვრებ მოსახლეობას სახლში დარჩენისკენ მოუწოდებს, პარალელურად კი ცხოველებისთვის გზის გადაკეტვასა და მათი საჭმლით გატყუებას ცდილობს. ჯერჯერობით უცნობია, რა გზით დააბრუნებენ მოგზაურობის მოყვარულ ცნობისმოყვარე ცხოველებს ნაკრძალში.