ქართული ოცნება ნაციონალური მოძრაობის პარლამენტში შესვლის გადაწყვეტილებასთან დაკავშირებით აცხადებს, რომ ამით, ფაქტობრივად, საკუთარი დესტრუქციული პოლიტიკური დღის წესრიგის მარცხი აღიარეს.

"რადიკალური ნაციონალური მოძრაობა, რომელმაც, ფაქტობრივად, საკუთარი დესტრუქციული პოლიტიკური დღის წესრიგის მარცხი აღიარა, საქართველოს პარლამენტში ადგილებს იკავებს. თუმცა ენმ უარს ამბობს ევროკავშირის შუამავლობით განხორციელებული პოლიტიკური შეთანხმების ხელმოწერაზე, რაც პოლიტიკური კრიზისის დასრულების კონსენსუსის საფუძველია", — ნათქვამია პარტიის განცხადებაში.

30 მაისს ნაციონალურმა მოძრაობამ საკანონმდებლო ორგანოში შესვლის გადაწყვეტილება მიიღო. მიუხედავად ამისა, პარტია შარლ მიშელის დოკუმენტს ხელს არ მოაწერს. გადაწყვეტილება პოლიტსაბჭოს შემდეგ გახდა ცნობილი.