ედვარდ მარტელისა და მოსამართლე ბრიუს მოროუს პირველი შეხვედრას სასიამოვნო ნამდვილად არ ეთქმოდა. 27 წლის ედვარდ მარტელს, რომელსაც სკოლა დასრულებული არ ჰქონდა, ნარკოტიკებით ვაჭრობის გამო 20 წლამდე პატიმრობა ელოდა. თუმცა 16 წლის შემდეგ ედვარდ მარტელი იმავე მოსამართლის წინაშე ამჯერად ადვოკატის ამპლუაში წარსდგა. ამ შედეგის მისაღწევად მარტელმა გრძელი და რთული გზა გამოიარა.

2005 წელს, სასამართლოს წინაშე მყოფი მარტელი თვლიდა, რომ მომავალი არ ჰქონდა, თუმცა მოსამართლე მოროუ სხვაგვარად ფიქრობდა. მისთვის პატიმრობის მისჯის ნაცვლად, მოსამართლემ ბრალდებულს 3-წლიანი პრობაცია დაუნიშნა და გამოწვევის წინაშე დააყენა: მომდევნო ჯერზე მარტელი სასამართლოში განსაკუთრებული მიღწევით უნდა დაბრუნებულიყო.

მარტელმა 2008 წელს კოლეჯში ჩააბარა. მიუხედავად იმისა, რომ ყველა სამართლის ფაკულტეტზე ჩაბარებისგან თავის შეკავებისკენ მოუწოდებდა, მან ოცნების ახდენა მაინც გადაწყვიტა. ამის შემდეგ უნივერსიტეტში სტიპენდიაც მოიპოვა და სტაჟირებაც გაიარა. 15-წლიანი შრომის შემდეგ კი ედვარდ მარტელი ადვოკატი გახდა და სასამართლოში მოსამართლის წინაშე სწორედ ახალ ამპლუაში წარსდგა.

"ედი სასამართლოს დარბაზში, სულ მცირე, 50-ჯერ მაინცაა ნამყოფი ბოლო 15 წლის განმავლობაში. თუმცა ამ დღეს ისეთი ღიმილით შემოაბიჯა, რომელიც აქამდე არასდროს ჰქონია", — განუცხადა მოსამართლე მოროუმ The Washington Post-ს.

ედვარდ მარტელისა და მოსამართლის შეხვედრა, რა თქმა უნდა, ემოციებითა და ცრემლებით იყო სავსე.