ეროვნული გმირის, მერაბ კოსტავას ხელნაწერის საფუძველზე, რომელიც ეროვნულ არქივშია დაცული, შრიფტი შეიქმნა. პროექტზე კალიგრაფმა დავით მაისურაძემ იმუშავა.

პროექტი, რომლის ავტორია კომპანია ჯეპრა, ეროვნულ-გამათავისუფლებელი მოძრაობის ერთ-ერთი ლიდერის დაბადებიდან 82 წლის იუბილესა და საქართველოს დამოუკიდებლობის დღეს, 26 მაისს ეძღვნება.

მერაბ კოსტავას ხელნაწერები მისი დაბადებიდან 80 წლის იუბილესადმი მიძღვნილი ღონისძიებების ფარგლებში საქართველოს ეროვნულ არქივს რუსუდან ბერიძემ 2019 წელს გადასცა. მერაბ კოსტავას ცოლის თანხმობით შრიფტის მოხაზულობა ქართველი დისიდენტის, პოლიტიკოსისა და პოეტის ლექსების ხელნაწერიდან არის აღებული.