უმრავლესობის დეპუტატი არჩილ თალაკვაძე მოუწოდებს ოპოზიციას, რომ მხარდამჭერებს პარლამენტის წინ მდგარი კარვების აღება ურჩიონ. მისი თქმით, საქართველო არ იმსახურებს რომ 26 მაისს ასე შეხვდეს, საპროტესტო კარვებით, რომელსაც მოთხოვნები არ აქვს.

"როდესაც 26 მაისს ჩვენი ქვეყანა დამოუკიდებლობის დღეს აღნიშნავს, კარგი და უპრიანი იქნება, ოპოზიციამ კიდევ ერთხელ იფიქროს და მოუწოდოს იმ ადამიანებს, ვინც არიან ორგანიზატორები, რომ უკვე პოლიტიკური შეთახნმების შემდეგ აიღონ შინაარსისგან დაცლილი კარვები, რომელიც პარლამენტის წინ არის.

საქართველო არ იმსახურებს, რომ დამოუკიდებლობის დღეს, მას შემდეგ რაც ფართო პოლიტიკური შეთანხმება შედგა, პარლამენტის წინ იყოს წარმოდგენილი აქცია ასეთი სახით, როგორც არის — არა ადამიანებით, არა კონკრეტული მოთხოვნებით, არა შინაარსით, მხოლოდ იმიტომ, რომ საქართველოს კანონმდელბობა და ხელისუფლება იცავს გამოხატვის თავისუფლებას და პროტესტის თვისუფლებას, ეს კარვები რჩება პარლამენტის წინ", — განაცახდა თალაკვაძემ.

ამ განცხადებით თალაკვაძე გამოეხმაურა გირჩის დეპუტატს, ვახტანგ მეგრელიშვილს, რომელმაც განაცხადა, რომ რკინის ღობე პარლამენტთან ტოვებს ისეთ აღქმას, თითქოს ციხეში შედის. თალაკვაძის თქმით, თუ რამე უნდა აღაშფოთებდეს ადამიანს, ეს კარვებია.

საპროტესტო კარვები პარლამენტის წინ უკვე რამდენიმე თვეა დგას. საპარლამენტო არჩევნების შემდეგ სამოქალაქო აქტივისტებს რუსთავლების გამზირზე კარვები აქვთ გაშლილი. ისინი არჩევნების შედეგებს არ აღიარებენ და პროტესტს ამ ფორმით გამოხატავენ. ბოლო რამდენიმე თვეა მათ სხვადასხვა პოლიტიკური პარტიის წარმომაგენლების კარვებიც დაემატა.