ჩხოროწყუში ადგილობრივ ტენდერებს სოფელ ხაბუმეში მერის წარმომადგენლის ძმა და მამა იგებს — TI
საერთაშორისო გამჭვირვალობა-საქართველოს კვლევით, ჩხოროწყუში ადგილობრივ ტენდერებს სოფელ ხაბუმეში მერის წარმომადგენლის, ნესტან ქარჩავას ძმა და მამა იგებენ. TI-ს ცნობით, ქარჩავები ამავე დროს ჩხოროწყუს მერთან, დათო გოგუასთან დაახლოებული პირები არიან. ორგანიზაციის ინფორმაციით, მათ 2011 წლიდან დღემდე 3 377 519 ლარის ღირებულების ტენდერები და გამარტივებული შესყიდვები მიიღეს.
მათივე თქმით, ნესტან ქარჩავა სოფელ ხაბუმეში ჩხოროწყუს მერის წარმომადგენლის პოზიციას 2007 წლიდან იკავებს, დათო გოგუა კი ჩხოროწყუს მერი (2017 წლამდე გამგებელი) 2012 წლის დეკემბრიდანაა.
"ნესტან ქარჩავას მამა, გონერი ქარჩავა შპს თენგო+-ის 100% წილის მფლობელი და დირექტორია. შპს თენგო+-მა 2011 წლიდან დღემდე 55 ტენდერში მიიღო მონაწილეობა, საიდანაც 32-ჯერ გაიმარჯვა, ხელშეკრულებების ჯამურმა ღირებულებამ კი 2 202 218 ლარი შეადგინა.
აღსანიშნავია, რომ შპს თენგო+-ს მოგებული 32 ტენდერიდან 18-ში კონკურენტი არ ჰყოლია, 6 შემთხვევაში კი მოხდა კონკურენტის დისკვალიფიკაცია. 5 შემთხვევაში შპს თენგო+-ს ხელშეკრულება გაუფორმეს მის მიერვე შეთავაზებულ თანხაზე მაღალი ღირებულებით, მათ შორის სამჯერ ხელშეკრულების ღირებულება ტენდერის სავარაუდო ღირებულებაზე მეტიც იყო", — აცხადებენ TI-ში.
საერთაშორისო გამჭვირვალობა-საქართველოს მოკვლევით, 2012-2020 წლებში შპს თენგო+-მა 10 გამარტივებული შესყიდვაც მიიღო, ხელშეკრულებების ჯამური ღირებულებით 282 389 ლარი.
TI-ის ცნობით, შპს თენგო+-ს მიერ მოგებული 32 ტენდერიდან 28 ჩხოროწყუს მუნიციპალიტეტზე მოდის. ასევე, 10 გამარტივებული შესყიდვიდან 6 შემთხვევაში შემსყიდველი სწორედ ჩხოროწყუს მერია იყო.
არასამთავრობო ორგანიზაციის ინფორმაციით, სახელმწიფო შესყიდვებში ჩართულია ნესტან ქარჩავას ძმა, რუსლამ ქარჩავაც. TI-ში ამბობენ, რომ ის, ერთი მხრივ, ინდივიდუალური მეწარმის, ლაშა ქობალიას (რომელიც ქარჩავების მეზობელია) მინდობილი პირია, მეორე მხრივ კი, თვითონ მონაწილეობს შესყიდვებში, როგორც ინდივიდუალური მეწარმე.
"რუსლამ ქარჩავამ, როგორც ლაშა ქობალიას მინდობილმა პირმა, ტენდერებში 2016 წლიდან დღემდე 29-ჯერ მიიღო მონაწილეობა და 20 შემთხვევაში გაიმარჯვა. ხელშეკრულებების ჯამურმა ღირებულებამ 444 237 ლარი შეადგინა. ყველა შემთხვევაში შემსყიდველი ჩხოროწყუს მუნიციპალიტეტი იყო. აღსანიშნავია, რომ 20 მოგებული ტენდერიდან 7 შემთხვევაში მოხდა კონკურენტის დისკვალიფიკაცია, 9 შემთხვევაში კი ხელშეკრულება გაფორმდა შეთავაზებულზე მაღალი ღირებულებით, მათ შორის ხუთჯერ ხელშეკრულების ღირებულება ტენდერის სავარაუდო ღირებულებაზე მეტი იყო. 2015-2020 წლებში ლაშა ქობალიამ 382 038 ლარის ღირებულების 13 გამარტივებული შესყიდვაც მიიღო, მათ შორის 12-ჯერ ჩხოროწყუს მუნიციპალიტეტისაგან", — ამბობს TI.
მათივე თქმით, ლაშა ქობალიას მიერ მოგებული 20 ტენდერიდან ხელშეკრულებას ხუთჯერ ხელი ლაშა ქობალიამ, 15-ჯერ კი რუსლამ ქარჩავამ, როგორც მინდობილმა პირმა, მოაწერა. ორგანიზაციის ცნობით, ამავე ტენდერების საბოლოო მიღება-ჩაბარების აქტებზე სამჯერ ხელს ლაშა ქობალია, 17-ჯერ კი რუსლამ ქარჩავა აწერს. TI-ს ინფორმაციით, 13 გამარტივებული შესყიდვის ხელშეკრულებებიდან ექვსს ხელს ლაშა ქობალია, შვიდს კი რუსლამ ქარჩავა აწერენ.
"საკუთრივ რუსლამ ქარჩავამ, როგორც ინდივიდუალურმა მეწარმემ, 66 637 ლარის ღირებულების ხუთი გამარტივებული შესყიდვა მიიღო, რომელთაგან 58 796 ლარის ღირებულების ორი შესყიდვა ჩხოროწყუს მუნიციპალიტეტზე მოდის", — აღნიშნავენ ისინი.
საერთაშორისო გამჭვირვალობა-საქართველოს შეფასებით, შპს თენგო+-ისა და რუსლამ ქარჩავას (ლაშა ქობალიას) ჩართულობა ჩხოროწყუს მუნიციპალიტეტის სახელმწიფო შესყიდვებში აჩენს ეჭვებს პროცესის კანონიერებასთან დაკავშირებით. შესაბამისად, სახელმწიფო უსაფრთხოების სამსახურის ანტიკორუფციულ სააგენტოს მოუოწოდებენ, შეისწავლოს თითოეული შესყიდვა და დაადგინოს, შეიცავს თუ არა კორუფციის შესაძლო ნიშნებს.
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები