აშშ-ს სახელმწიფო მდივნის, ენტონი ბლინკენის განცხადებით, როგორც ამერიკის შეერთებული შტატების პრეზიდენტმა, ჯო ბაიდენმა თქვა, თუ რუსეთი მათი მოკავშირეებისა და პარტნიორების წინააღმდეგ აგრესიულად იმოქმედებს, უპასუხებენ. ამის შესახებ მან რუსეთის საგარეო საქმეთა მინისტრს, სერგეი ლავროვს შეხვედრაზე უთხრა.

"როგორც პრეზიდენტმა ბაიდენმა პუტინს უთხრა, თუ რუსეთი იმოქმედებს აგრესიულად ჩვენს, ჩვენი პარტნიორების, მოკავშირეების წინააღმდეგ, ჩვენ ვუპასუხებთ. პრეზიდენტმა ბაიდენმა აჩვენა, როგორც სიტყვით, ასევე, საქმით — რომ არა ესკალაციის მიზნებისთვის, არა კონფლიქტის ძიებისთვის, არამედ ჩვენი ინტერესების დასაცავად", — თქვა მან.

მისი განცხადებით, საიდუმლო არ არის, რომ რუსეთსა და ამერიკას შორის განსხვავებები არსებობს, თუმცა არის სფეროები, სადაც მათი ინტერესები იკვეთება. მაგალითად, კორონავირუსთან და პანდემიასთან გამკლავება, კლიმატური ცვლილებების წინააღმდეგ ბრძოლა, ბირთვულ პროგრამებთან გამაკლავება ირანში და ჩრდილოეთ კორეაში და სხვა. ბლინკენკის თქმით, მათ შეუძლიათ ერთად მუშაობა საერთო ინეტერსების ასაშენებლად.