Friends-ის ფანებს ნიუ-იორკში მონიკასა და რეიჩელის ბინაში ღამის გატარება შეუძლიათ

თუ ყოველთვის გიოცნებიათ, Friends-ის სამყაროში აღმოჩენილიყავით, Booking.com-ს თქვენთვის საოცარი შემოთავაზება აქვს. პლატფორმა მეგობრების გულშემატკივრებს შესაძლებლობას აძლევს, ღამე მონიკასა და რეიჩელის ნიუ-იორკის ბინაში სულ რაღაც $19,94-ად გაატარონ.

დაუვიწყარი გამოცდილებისთვის ბინაში წარმოდგენილი იქნება კოსტიუმები, გადასაღები მოედნის რეკვიზიტები და სხვა. ასევე მონიკასა და რეიჩელის იასამნისფერი კარი, ჩენდლერის კურდღლის ფორმა — გულშემატკივრებს ბინაში უამრავი სიურპრიზი ელით.

შეთავაზებაში ბინის ტური და პროფესიონალი ფოტოგრაფის მომსახურებაც შედის, რომლის წყალობითაც ეს შესანიშნავი გამოცდილება არასდროს დაგავიწყდებათ.

გულშემატკივრებს რეიჩელისა და მონიკას ბინა 23-24 მაისიდან მიიღებს, ამიტომ თუ შემთხვევით ნიუ-იორკში ხართ, ეს შესაძლებლობა ხელიდან ნამდვილად არაა გასაშვები. სხვა შემთხვევაში კი საყვარელი პერსონაჟების გასახსენებლად ახალი სპეციალური ეპიზოდით უნდა დაკმაყოფილდეთ, რომელიც 27 მაისს გამოვა.

ამავე თემაზე:

ბოლო ამბები:

გირჩევთ