ამერიკის შეერთებულ შტატებში Covid-19-ზე ორი დოზით ვაქცინირებულ მოქალაქეებს პირბადის ტარება და დისტანციის დაცვა აღარ მოუწებთ. აშშ-ის დაავადებათა კონტროლისა და პრევენციის ცენტრის (CDC) განცხადებით, შემსუბუქება როგორც ღია სივრცეში, ასევე, დახურული სივრცის უმეტეს ადგილებში იმოქმედებს, გარდა იმ შემთხვევებისა, როდესაც ამას მოითხოვს ფედერალური, შტატების, ადგილობრივი, ან ტერიტორიული კანონები, წესები და რეგულაციები, ადგილობრივი ბიზნესისა და სამუშაო ადგილების მითითებების ჩათვლით.

"ეს მშვენიერი დღეა და მოდით აღვნიშნოთ ის... ეს საოცარი წინ გადადგმული ნაბიჯია, რომელიც ამბობს, რომ ჩვენ სწორ გზაზე ვართ", — ამბობს დოქტორი, ფრენსის კოლინზი CDC-დან და აღნიშნავს, რომ ვაქცინირებულებს ნიღბების ტარება უმეტეს შემთხვევაში აღარ სჭირდებათ.

"მე ნიღაბი არ მაქვს. მეღიმება. მე ვუყურებ სხვათა სახეებს, რომლებიც დიდი ხანია არ მინახავს", — ამბობს კოლინზი.

CDC-ის გადაწყვეტილებას ამერიკის პრეზიდენტი, ჯო ბაიდენიც გამოეხმაურა და აღნიშნა, რომ დღეს ამერიკისთვის კორონავირუსთან ხანგრძლივ ბრძოლაში დიდი დღეა.