საქართველოს საპარლამენტო უმცირესობამ - მოძრაობა თავისუფლებისთვის - ევროპულმა საქართველომ პარლამენტის სხდომათა დარბაზი, ე.წ. მოსმენების კანონპროექტის განხილვის დროს, პროტესტის ნიშნად დატოვა. უმცირესობის ერთ-ერთმა წარმომადგენელმა, ოთო კახიძემ საპარლამენტო განხილვებს ფარსი უწოდა.

"მიუხედავად იმისა, რომ პრაქტიკულად ამ განხილვების განმავლობაში შეგვიზღუდეთ ყველანაირად აზრის გამოთქმის საშუალება, მოგვიხსენით ფრაქციების გამოსვლების დრო, გვაწყვეტინებდით და გვითიშავდით მიკროფონებს. საბოლოოდ, დღეს პარლამენტის თავმჯდომარემ ხელი მოაწერა საქართვლოს პარლამენტის სუს-ის ნოტარიუსად ქცევას. ამ ინიციატივამ, რომელიც დააყენა ქალბატონმა ეკა ბესელიამ, ჩვენ, პრაქტიკულად, პარლამენტში მთელი საკანონმდებლო პროცესი გავხადეთ ფარსი. ჩვენ ამ ფარსში მონაწილეობას არ ვაპირებთ. ვინაიდან, ეს არის ბიძინა ივანიშვილის დაცვის უფროსის დაკვეთით მომზადებული კანონპროექტი, რომელზეც საქართველოს პარლამენტმა უარი თქვა. ჩვენ ამ ფარსში მონაწილეობას არ ვაპირებთ და პროტესტის ნიშნად ვტოვებთ ამ სხდომას," - აღნიშნა კახიძემ სხდომათა დარბაზში.

საქართველოს პარლამენტმა ე.წ. მოსმენებთან დაკავშირებით კანონპროექტი პირველი მოსმენით გუშინ, 23 თებერვალს მიიღო.