ომსკის ოლქის ჯანდაცვის მინისტრი ალექსანდრ მურახოვსკი ტყეში ნადირობისას დაიკარგა. მურახოვსკი იმ კლინიკის მთავარი ექიმი იყო, სადაცა გასული წლის აგვისტოში ოპოზიციონერი ალექსეი ნავალნი ნოვიჩოკით მოწამვლისას მკურნალობდა.

გაუჩინარების შესახებ ინფორმაცია თავდაპირველად რამდენიმე ადგილობრივმა გამოცემამ გაავრცელა. რამდენიმე საათში კი ოლქის შინაგან საქმეთა სამინისტრომ დაადასტურა, რომ დაკარგული სწორედ ჯანდაცვის მინისტრია.

წინასწარი ინფორმაციით, 7 მაისს მურახოვსკი სანადირო ბაზიდან კვადროციკლით ტყეში წავიდა ტყეში წავიდა, რის შემდეგაც ის არავის უნახავ. ერთი დღის განმავლობაში მას ახლობლები ეძებდნენ, 8 მაისს კი პოლიციას მიმართეს.

ალექსანდრ მურახოვსკი ომსკის ოლქის ჯანდაცვის მინისტრად 2020 წლის ნოემბერში დაინიშნა. მანამდე ომსკის ერთ-ერთი კლინიკის მთავარი ექიმი იყო, სადაც მოწამვლის შემდეგ ნავალნი შეიყვანეს.

ნავალნი კლინიკაში 20-22 აგვისტოს იყო, რის შემდეგაც ის სამკურნალოდ გერმანიაში გადაიყვანეს. მურახოვსკი ამტკიცებდა, რომ ოპოზიციონერი მოწამლული არ იყო და მისი გართულებული მდგომარეობა მეტაბოლიზმს დაუკავშირა, თუმცა ზუსტი დიაგნოზი არ თქვა. ნავალნის თანამებრძოლები მურახოვსკის კრემლის დავალებების შესრულებაში ადანაშაულებდნენ.