დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისში, ბოკერიას სახელობის ჰოსპიტალში კორონავირუსით 34 წლის ქალი გარდაიცვალა, დაიუღუპა ახალშობილიც. როგორც ჰოსპიტალის კლინიკური დირექტორი, ალექსი ვაჩაძე On.ge-ს ეუბნება, ქალი კლინიკაში 19 აპრილს სუნთქვის უკმაირისობის ნიშნებით მივიდა. ის იმ დროს 30 კვირამდე ორსული იყო.

"მოსვლის დღიდან საკმაოდ მძიმე მდგომარეობაში იყო მისი ფილტვები, მაგრამ თავიდან ჟანგბადის მიწოდების შემდეგ, იმდენად კარგად დასტაბილურდა, რომ გადაწყდა გადაგვეყვანა სამეანო გინეკოლოგიურ განყოფილებაში. უკვე 22 რიცხვში ისე დამძიმდა მისი მდგომარეობა, გახდა სარეანიმაციო.

24 რიცხვში, ანუ დედის ვენტილატორზე გადაყვანიდან, დაახლოებით 2 დღეში, დაფიქსირდა უკვე უარყოფითი ცვლილები თვითონ ნაყოფის მონიტორინგზე", — ამბობს ის.

მისი თქმით, 24 აპრილს გინეკოლოგიურმა სამსახურმა მიიღო გადაწყვეტილება, რომ საკესირო კვეთის გზით ქალი ემშობიარებინათ. ექიმის განცხადებით, ბავშვის ხელოვნურ ვენტილაციაზე გადაიყვანეს, თუმცა ის, დაახლოებით, 4 მაისის დილას გარდაიცვალა.

"ოპერაციის შემდეგ პაციენტის მდგომარეობა კიდევ უფრო დამძიმდა, დასჭირდა თირკმლის ჩანაცვლებითი თერაპია, ანუ დიალეზი დაიწყო, რაც უკვე ნიშნავს მრავალორგანულ დისფუნქციას. სამწუხაროდ, მიუხედავად ძალიან დიდი ძალისხმევისა და დახარჯული რესურსისა, 6 მაისს გარდაიცვალა", — გვითხრა მან.

მისი განცხადებით, პაციენტს რაიმე ქრონიკული თანმხლები დაავადება არ აღენიშნებოდა. ექიმის თქმით, ასეთი დამძიმება, შეიძლება, მისი იმუნოგენეტიკით ყოფილიყო გამოწვეული.

"ანუ გენეტიკურად იყო მიდრეკილი იმისკენ, რომ ასეთი მძიმე რეაქცია ჰქონოდა კორონავირუსის ინფექციაზე", — ამბობს ის.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: