მეგან მარკლი დედის თვალით დანახული მამა-შვილის ურთიერთობაზე საბავშვო წიგნის გამოცემას აპირებს.

The Bench 8 ივნისს გამოვა. როგორც მეგანი ამბობს, მისი შთაგონების წყარო ის კავშირია, რომელსაც პრინც ჰარისა და არჩის შორის ხედავს.

"The bench თავიდან ლექსი იყო, რომელიც ჩემი ქმრისთვის დავწერე, მამის დღესთან დაკავშირებით. არჩის დაბადებიდან ერთი თვის თავზე. ასე დაიწყო ეს ისტორია", — განაცხადა მეგანმა. "იმედი მაქვს, ისტორია ყველა ოჯახისთვის ისეთივე ახლობელი იქნება, როგორც ჩემთვის", — აღნიშნა მან.

წარწერა ფოტოზე:

ვუყურებ ჩემს სიყვარულს და ჩვენს ლამაზ ბიჭს

ფანჯარასთან ვდგავარ და თვალებიდან სიხარულის ცრემლები მდის

ფოტო: PENGUINRANDOMHOUSE

წიგნს თან ახლავს, ცნობილი არტისტის კრისტიან რობინსონის ილუსტრაციები. ჰერცოგინია ასევე წიგნის აუდიო ვერსიას გაახმოვანებს. გამომცემლობა, Penguin Random House-ის წარმომადგენლებმა თქვეს, რომ წიგნი მიზნად ისახავს "გააღვივოს ღრმა სითბოს, კავშირისა და თანაგრძნობის შეგრძნება".

ფოტო: Joe Pugliese / Associated Press

შეგახსენებთ, რომ 2020 წლის დასაწყისში ჰარიმ და მეგანმა განაცხადეს, რომ სამეფო ვალდებულებებს ჩამოშორდებოდნენ და საკუთარი ფინანსური დამოუკიდებლობისთვის იმუშავებდნენ. როგორ ჩანს, წყვილი უკვე მუშაობს ამ კუთხით. წიგნის გარდა ისინი სხვა პროექტებზეც მუშაობენ. მათ ნეტფლიქსთან გააფორმეს კონტრაქტი და სპოტიფაიზე პოდკასტის გამოშვებას გეგმავენ. მეგანი დისნეის საქველმოქმედო პროექტშიც იღებს მონაწილეობას, რომლის მიზანი ცხოველების დაცვა იქნება.

მეგან მარკლს წიგნის შექმნაზე ადრეც უმუშავია, თუმცა მას შემდეგ რაც პრინც ჰარისთან დაიწყო ურთიერთობა, ამ პროექტისთვის თავის დანებება მოუწია.

ფოტო: MISAN HARRIMAN

როგორც ჩანს ამ ეტაპზე წყვილი ძალიან დაკავებულია, გარდა ახალი პროექტებისა, მათ მალე მეორე შვილიც ეყოლებათ. ხალხი მოუთმენლად ელოდება უინძორების ოჯახის ახალ წევრს და მის სახელის გამოცნობაზე ფსონებსაც კი დებს.