აშშ-ს პრეზიდენტი ჯო ბაიდენი და მისი ცოლი, ჯილ ბაიდენი, აშშ-ს ყოფილ პრეზიდენტს, ჯიმი კარტეს ესტუმრნენ. ერთი შეხედვით უწყინარმა ვიზიტმა, ინტერნეტსივრცეში დიდი მიმოხილვა გამოიწვია.

ფოტოზე, რომელიც შეხვედრისას გადაიღეს, ყოფილი პრეზიდენტი კარტერი და მისი ცოლი, ჯო და ჯილ ბაიდენებთან შედარებით მინიატურულ ფიგურებს ჰგვანან. შესაბამისად ტვიტერზე ხალხს კითხვა გაუჩნდა: "რამ გამოიწვია მსგავსი ოპტიკური ილუზია?"

ფოტო: The Carter Centre

მართალია, ჯო ბაიდენი პრეზიდენტ კარტერზე მაღალია, მაგრამ ეს სხვაობა ნამდვილად გადაჭარბებულია. თავად აშშ-ს 39-ე პრეზიდენტის პროპორციებიც დარღვეულია, მას სხეულთან შედარებით უზარმაზარი ფეხები უჩანს.

როგორც პროფესიონალმა ფოტოგრაფებმა ახსნეს, სურათი ძალიან ახლოდან არის გადაღებული ფართოკუთხიანი ლინზით. ზოგადად ამ ეფექტს ფოტოგრაფები სხვადასხვა ილუზიის შესაქმნელად იყენებ, აქ კი უბრალო შემთხვევითობასთან გვაქვს საქმე. ამის გარდა, ილუზიას ისიც უწყობს ხელს, რომ პრეზიდენტი კარტერი უკანაა გადახრილი, ხოლო ჯო ბაიდენი უფრო წინაა წამოწეული.

ფოტოთი გახალისებულმა ინტერნეტმომხმარებლებმა, სხვა სურათების გააზიარეს, სადაც შეგვიძლია ვნახოთ თუ როგორი ილუზიის შექმნა შეუძლია ადამიანს, ობიექტივის მოხერხებულად გამოყენებით.

ფოტო: Carly Earl/The Guardian

ზოგიერთი ფოტოს მოახლოების შემთხვევაში, ადამიანები ერთმანეთთან უფრო ახლოს ჩანან, ვიდრე სინამდვილეში არიან.

ფოტო: Phil Walter/Getty Images

ახალი ზელანდიელნი სპორტსმენი შეიძლება მაღალია, მაგრამ ასეთი გოლიათიც არ არის. ფოტოგრაფმა 16 მმ ლინზა გამოიყენა და ფოტო დაბალი კუთხით გადაიღო, რომ ეს ეფექტი მიეღო.

აღსანიშნავია, რომ არ არის აუცილებელი, პროფესიონალი ფოტოგრაფი იყოთ, იმისთვის რომ მსგავსი ილუზია შექმნათ. თანამედროვე ტექნოლოგიების დახმარებით, ასეთ ფოტოს ტელეფონითაც გადაიღებთ. თუკი iPhone 11 ან 12 გაქვთ, შეიძლება ეს თქვენი ახალი ჰობიც კი გახდეს.