ცენტრალური საარჩევნო კომისიის ინფორმაციით, ადგილობრივი თვითმმართველობის შუალედურ არჩევნებში გარდაბნის #21.18 მაჟორიტარულ ოლქში ქართული ოცნების კანდიდატმა ვუგარ მამედოვმა ხმების 98.68 პროცენტი მიიღო,თავისუფალი საქართველოს კანდიდატმა ჯამილა გასანოვამ კი – 1.32 პროცენტი. ჯერჯერობით, 2 უბნიდან მხოლოდ ერთი უბნის შედეგებია დათვლილი.

შუალედური არჩევნები ასევე გაიმართა გარდაბნის #21.08 მაჟორიტარულ ოლქში, სადაც წინასწარი მონაცემები, ასევე გაიმარჯვა ქართული ოცნების კანდიდატმა 64.65 პროცენტით, მისმა კონკურენტმა სახალხო ხელისუფლებიდან, ტოფიკ ახმედოვმა, მიიღო 20.4 პროცენტი, დამოუკიდებელმა კანდიდატმა ჯემალ მურადხანოვმა 14.59 პროცენტი. ამ ოლქში სამი უბნიდან მხოლოდ ორის შედეგებია დათვლილი.

22 მაისს საქართველოს 9 მაჟორიტარულ ოლქში ადგილობრივი თვითმმართველობის შუალედური არჩევნები გაიმართა.