სანქტ-პეტერბურგში რუსი ოპოზიციონერის, ალექსეი ნავალნის გამოსახულებით გრაფიტი გამოჩენიდან 4 საათში გადაღებეს. ინფორმაციას ამის შესახებ გამოცემა Meduza ავრცელებს.

გრაფიტი ნავალნის ხელებით გული აქვს გამოსახული და თან სდევს წარწერა "ჩვენი დროის გმირი".

პუშკარსკის ბაღში გრაფიტი 28 აპრილს, გამთენიისას ფოტოგრაფმა გეორგი მარკოვმა დააფიქსირა.

დაახლოებით, ოთხ საათში კი, 10:34-ზე ფოტოგრაფმა დავიდ ფრენკელმა თქვა, რომ გამოსახულება უკვე გადაღებეს.

ალექსეი ნავალნი, რომელიც კოლონიაში იმყოფება, 31 მარტიდან 23 აპრილამდე შიმშილობდა, რადგან მასთან დამოუკიდებელი ექიმების დაშვებას მოითხოვდა. ნავალნის თქმით, საპატიმროში მას ზურგისა და ფეხის არეში ტკივილები აწუხებს და სათანადო სამედიცინო დახმარებასაც ვერ იღებს.

ექიმები ამბობდნენ, რომ მისი მდგომარეობა მკვეთრად გაუარესდა. ექიმების რჩევით ნავალნის შიმშილობა შეწყვიტა.