დღევანდელი ვაჭრობის შედეგად, ლარი დოლართან მიმართებით 0,7 თეთრით გაუფასურდა და ერთი დოლარის ღირებულება 3,4534 ლარს გაუტოლდა — ეს ეროვნული ვალუტისთვის მიმდინარე წლის ანტირეკორდია.

მიმდინარე წლის ანტირეკორდი დაფიქსირდა ევროსთან მიმართებითაც. დღეს დადგენილი კურსის მიხედვით, ერთი ევრო 4,1765 ლარს გაუტოლდა, რაც 2,36 თეთრით გაუფასურებას ნიშნავს.

აღსანიშნავია, რომ წლის დასაწყისში არსებულ კურსთან შედარებით, ლარი დოლართან მიმართებით 17,68 თეთრით, ხოლო ევროსთან — 15,32 თეთრით არის გაუფასურებული.

შეგახსენებთ, რომ ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს შვიდი სავალუტო ინტერვენცია განახორციელა და ჯამურად 242,9 მლნ დოლარი გაყიდა. მათ შორის, ბოლო სავალუტო აუქციონი 22 აპრილს შედგა, სადაც ეროვნული ბანკმა 30 მილიონი დოლარი გაიყიდა.

სებ-ის მიერ დღეს დადგენილი გაცვლითი კურსი ხვალ, 27 აპრილს შევა ძალაში.