სტრატეგია აღმაშენებლის ლიდერი, გიორგი ვაშაძე აცხადებს, რომ ყველაფერს აკეთებს, რაცა ნაციონალური მოძრაობის თავმჯდომარე, ნიკა მელია ამნისტიის კანონის მიღებამდე გათავისუფლდეს. იგი, ასევე, ამბობს, რომ ამნისტიის ალტერნატივა არ არის გირაო.

"ვაკეთებთ ყველაფერს იმისთვის, რომ შევძლოთ მისი [ნიკა მელიას] უფრო ადრე განთავისუფლება ვიდრე ამნისტიის კანონი იქნება მიღებული, მაგრამ, მოგეხსენებათ, მხოლოდ ჩვენზე არ არის დამოკიდებული და ქართული ოცნებაზეცაა დამოკიდებული ეს ნაბიჯი. გარდა ამისა, რომ დასრულდეს არასწორი ინტერპრეტაციები, გირაო არ არის ალტერნატივა ამნისტიის კანონის", — განაცხადა ვაშაძემ.

ლელოს ლიდერებმა ბრიუსელში ვიზიტისას ევროპარლამენტარებს ნიკა მელიას თავდებობა შესთავაზეს. ბადრი ჯაფარიძემ განაცხადა, რამდენიმე ევროპარლამენტარის თანხმობა უკვე მიიღეს. ევროპარლამენტარების თავდებობა მელიას გათავისუფლების ამნისტიაზე სწრაფ მეთოდაგ განიხილება.

რაც შეეხება გირაოს, ქართული ოცნების ლიდერები თავდაპირველად ამბობდნენ, რომ ამნისტიის კანონზე მსჯელობა გირაოს გადახდის შემდეგ დაიწყებოდა, თუმცა შემდეგ რესპუბლიკური პარტიის თავმჯდომარემ, ხათუნა სამნიძემ განმარტა, რომ გირაო ამნისტიის კანონზე მუშაობის დაწყების წინაპირობა არ არის. სამნიძის თქმით, ევროკავშირი მელიასთვის გირაოს გადახდის ინიციატივით მხოლოდ იმიტომ გამოვიდა, რომ მისი გათავისუფლება დაეჩქარებინა.

გაიგეთ მეტი: