გირჩის ლიდერის, იაგო ხვიჩიას თქმით, მათ გადაწყვიტეს, ოპოზიცია პარლამენტში რომ შევა, შერიგებისკენ იმოძრავებენ.

"ოპოზიცია პარლამენტში რომ შევა, ჩვენ გადავწყვიტეთ, რომ შერიგებისკენ ვიმოძრავოთ. მანამდეც ხომ ვმოძრაობდით შერიგებისკენ, ხელისუფლების და ოპოზიციისკენ და ჩვენც ასე ვიმოძრავებთ, უბრალოდ სათქმელი თავიდან ხომ უნდა ითქვას, რომ ეს პროცესი არ იყო სწორი და არ იყო ლამაზი. შესაბამისად, გულში მტრობის ჩადებას არ ვაპირებთ, ჩვენ ვაპირებთ აქტიურ კომუნიკაციას და თანამშრომლობას ყველა იმ ადამიანთან, ვისაც ეს უნდა ჩვენთან და ვისაც ეს არ უნდა და სხვა რაღაცისთვის შემოდის, ასევე, ამის აღნიშვნას, რომ დააკვირდით, ხალხო, ეს არ არის შემოსული პარლამენტში საქმის გასაკეთებლად", — განაცხადა ხვიჩიამ პალიტრანიუსის ეთერში.

19 აპრილს ევროპული საბჭოს პრეზიდენტის, შარლ მიშელის ახალ დოკუმენტს შვიდმა პოლიტიკურმა პარტიამ და რამდენიმე დამოუკიდებელმა დეპუტატმა მოაწერა ხელი. ხელმოწერის ცერემონია პრეზიდენტის სასახლეში გაიმართა და ონლაინ-რეჟიმში თავად მიშელიც დაესწრო.

დოკუმენტზე ხელმოწერაზე უარი თქვეს ნაციონალურმა მოძრაობამ და ევროპულმა საქართველომ. ასევე, ლეიბორისტულმა პარტიამ. თუმცა, აღსანიშნავია, რომ ამ პარტიებიდან ცალკეულმა დეპუტატებმა დოკუმენტს ხელი ინდივიდუალური გადაწყვეტილების საფუძველზე მოაწერეს.

გაიგეთ მეტი: