თბილისში, დადიანის ქუჩაზე მდებარე საცხოვრებელი კორპუსის საკანალიზაციო მილიდან მაშველებმა კნუტი ამოიყვანეს. ამის შესახებ ინფორმაციას ცხოველთა მონიტორინგის სამსახური ავრცელებს.

მაშველებს დახმარებისთვის ერთ-ერთი ბინის მეპატრონემ მიმართა, რომელმაც კნუტის ხმა გაიგო. ადგილზე მისულმა მაშველებმა ცხოველის ადგილმდებარეობა განსაზღვრეს, კედელი გამოტეხეს და პატარა კნუტი მილიდან უვნებლად ამოიყვანეს.

ფოტო: ცხოველთა მონიტორინგის სამსახური

გადარჩენილი კნუტი ძალიან იღბლიანი აღმოჩნდა და ამიერიდან იმავე ბინაში, ამჯერად მოსიყვარულე პატრონთან ერთად იცხოვრებს.