მთავრობის კანცელარიასთან Defend Liberty-ს ორგანიზებით მშვიდობიანი საპროტესტო აქცია ლოზუნგით STOP Russia დაიწყო.

ადგილზე შეკრებილია ასეულობით ადამიანი, რომლებსაც ხელში ბანერები უჭირავთ წარწერით "ჩვენ არ მოვითმენთ მეტს".

აქციის დასასრულს მოქალაქეებმა პოსტერები ერთდროულად აწიეს:

აქციის ორგანიზატორები მოითხოვენ საოკუპაციო ზოლის გასწვრივ უსაფრთხოებისთვის საჭირო ძალების მობილიზებას და საერთაშორისო საზოგადოების კონსოლიდაციასა და მათ სასწრაფო ინფორმირებას.

"საქართველოს ხელისუფლების არაადეკვატურობის, უყურადღებობის, რუსეთთან ყველაფრის დათმობისა და უსაფრთხოების სისტემის შესუსტების შედეგად, ოკუპანტი კიდევ უფრო გათავხედდა, რაც მომხდარ ტრაგედიაზე რუსეთის ფედერაციის საგარეო საქმეთა სამინისტროს ცინიკურმა განცხადებამაც დაადასტურა"- წერია აქციის ორგანიზატორების მიერ გავრცელებულ განცხადებაში.

19 მაისს აფხაზეთის საოკუპაციო ხაზთან, საქართველოს კონტროლირებად ტერიტორიაზე, ოკუპირებული ტერიტორიიდან გადმოსულმა პირებმა საქართველოს მოქალაქე გიგა ოთხოზორია მოკლეს.

აქცია Stop Russia-ს დაწყებამდე კაცელარიასთან პოლიციაა მობილიზებული

ფოტო: საბა ლეკვეიშვილი / On.ge

ფოტო: საბა ლეკვეიშვილი / On.ge

ფოტო: საბა ლეკვეიშვილი / On.ge

ფოტო: საბა ლეკვეიშვილი / On.ge